Zbulohet dokumenti i fshehtë që po përgatit Trump për rihapjen e SHBA-ve, në datën…

Zyrtarët e qeverisë kanë krijuar një plan për “rihapjen” e SHBA në 1 maj, duke filluar me shkolla, kampe dhe kisha.

Referuar një raporti, “The Sun” shkruan se Agjensia Federale e Menaxhimit të Emergjencave dhe Qendrat për Kontrollin dhe Parandalimin e Sëmundjeve kanë krijuar një strategji duke ofruar udhëzime për zyrtarët shtetërorë dhe lokalë se si të fillojnë të lehtësojnë kufizimet.

Duke përmendur dokumentin e lëshuar, ekipi ka punuar javën e kaluar dhe ata kanë qenë në bisedime me task forcën që po merret me menaxhimin e situatës pas shpërthimit të koronavirus.

Shtëpia e Bardhë dhe agjencitë e tjera kanë përgatitur dokumente të ngjashme, por një nga FEMA përfshin informacion të sigurtë që flet për rihapjen e “shkollave, kopshtet e kujdesit për fëmijë, kampe verore, parqet, organizata me bazë besimin dhe restorante.”

Dokumenti është një plan tetë pjesësh i përshkruar nga një zyrtar si “një hartë rrugore nëse SHBA da ta bëjë atë gradualisht.”

Plani raportohet se përfshin tre faza.

Deri më 1 maj, pjesa e parë përgatit vendin “të rihapet me një fushatë kombëtare komunikimi dhe vlerësim të gatishmërisë së komunitetit”.

Pastaj deri më 15 maj, plani “do të përfshijë ngritjen e prodhimeve të kutive të testimit dhe pajisjeve mbrojtëse personale dhe rritjen e fondeve të urgjencës.”

Faza e tretë më pas përfshin “rihapje totale” që do të varet nga kushtet lokale.

Dokumenti gjithashtu paralajmëron: “Modelet tregojnë strehim 30 ditor në vend, duke vazhduar me 180 ditë zbutje të rezultateve, në rikuperimin e kurbës së koronavirusit. Do të jetë i nevojshëm një nivel zbutjeje deri sa të arrihet vaksina ose imuniteti i gjerë i komunitetit”.

Zyrtarët që krijuan planin thanë që fazat “do të sjellin një rrezik të konsiderueshëm të rilindjes së virusit”.

Një zyrtar i administratës Trump tha se presidenti ka qenë aq këmbëngulës për rihapjen e vendit sa që disa prej atyre që janë afër tij “shqetësohen se ekziston vetëm një dritare e ngushtë për të siguruar informacione për të ndryshuar mendjen e presidentit.”

Të hënën, Donald Trump tha se ai kishte autoritet “total” për të marrë një vendim si rihapjen e ekonomisë në mes të shpërthimit të koronavirusit.

Por guvernatorët nga të dy partitë politike u tërhoqën, duke theksuar se ata kanë përgjegjësinë kryesore për t’u siguruar që shtetet e tyre të ishin të sigurta.

Guvernatorët e Uashingtonit, Kalifornia dhe Oregon njoftuan këtë javë se po punonin në një plan të përbashkët se si të rihapin me siguri rajonin dhe kur është koha e sigurt për ta bërë këtë.

Të martën, guvernatorët e Neë York, New Jersey, Connecticut, Rhode Island, Pennsylvania dhe Delaëare njoftuan gjithashtu një koalicion të ngjashëm.

Në vende të tjera si Italia dhe Spanja, proceset e rihapjes janë duke u zhvilluar, pasi infeksioni i tyre dhe niveli i vdekjeve filluan të stabilizohen.

Që në mëngjes të mërkurën, më shumë se 609,000 raste të koronavirusit u konfirmuan në SH.B.A. dhe me mbi 26,000 vdekje.