Sekuestrohen telefonat e familjarëve pas dyshimeve për bashkëpunëtor në ngjarje 

Arma me të cilën është qëlluar për vdekje 50-vjeçari Pëllumb Meta përpara se të varrosej në kasolle është zhdukur.

19-vjeçarja ka deklaruar se e ka hedhur, por pistoleta ende nuk është gjetur nga uniformat blu.

Efektivët po vijon kërkimet për gjetjen e armës pasi zbulimi i saj mund të çojë në zbardhjen e plotë të krimit.

Në armë mund të zbulohen gjurmët e personave që mund të jenë përfshirë në krim, pasi dyshohet që kemi të bëjmë me një krim që ka edhe bashkëpuntorë.

Policia ka sekuestruar telefonat e familjarëve të viktimës dhe po bëhet kqyrja e aparateve celularë.

Hygerta Meta pasi u arrestua nga policia është rikthyer në vendin e krimit, në banesën e saj në fshatin Shënavlash të Durrësit për të treguar para hetuesve dinamikën e ngjarjes.

Në dëshminë e dhënë për policinë është shprehur se e vrau të atin, pasi ai donte ta fejonte pa dëshirën e saj.