ZOTI NUK VRET!!

Prej 60 orësh e gjithë media po merret me:
1. Nxjerrjen nga rrënojat të viktimave
2. Interesimin e madh të politikës (pushtet – opozitë) dhe gjendjen e tyre pranë njerëzve
3. Anën emotive ( mesazh i Papës, ç’thonë mediat e huaja …etj)
4. Apeli për ndihmë dhe solidariteti
Kjo ka shmangur pothuaj totalisht vëmendjen nga
A. Përmasat sasiore e cilësore të dëmit.
B. Shkaktarët e katastrofës.

ZOTI NUK VRET!!

Për ata që besojnë, Zoti e ka ndërtuar botën dhe e drejton me ligje. Vlen edhe për ateistët. Për ta gjithashtu, natyra funkionon me ligje. Që një ndërtesë të shembet e fqinja të mos cifloset nuk është seleksionimi mistik. As mrekulli e natyrës. Është përgjegjësi e një sistemi të tërë: që nga politika e tranzicionit me tolerancën kriminale ndaj ndërtimeve , tek mungesa e studimeve sizmike, gjeologjike, gjeodezike etj në projekt. Më tej tek përgjegjësia e projektuesve , arkitektëve….pastaj inxhinierët, teknikët e zbatimit, marrësit në dorëzim….Për të vazhduar me ustallarët, hekurkthyesit etj që herë për hesap të vet e herë të pronarit kanë lënë një fije hekuri mangut, ca stafa pa vënë, kanë kursyer çimento etj etj etj.
Mbase do thuash: “ne kemi ende njerëzit nën gërmadha e tiiii…”
PIKËRISHT!
Që nesër të mos dergjen të tjerë në tërmetin e pas ca viteve! Se po nuk u morëm me këto sot 1. Ndërtuesit e pandëshkuar edhe më zi do na e punojnë! 2. Po na rrëshkotën sot, nesër do ropatemi ” jo fonde…jo buxheti” ndërkohë që dëmet t’i paguajnë sot fajtorët kokërr më kokërr, me fitimet nga gjaku i 26 nëntorit 2019.

Pra a është KATASTROFË apo VRASJE MASIVE për shkak përfitimi, nga pakujdesia etj? Sepse kur dikush aksidenton dikë me makinë, teksa viktimën e çojnë në spital a morg, shoferin e çojnë direkt në qeli, pa thënë ” ISHTE PUNË E ZOTIT”!!!

P.S: Foto poshtë është thjesht ilustrimi se Zotin apo Natyrën, nëse i respekton, nuk kanë punë me ty! Kjo kullë gjigande është ndërtuar brenda në det. Por nuk e ruan Zoti! As Natyra! Kjo as bie e as çahet se nuk vjedh njeri hekurin e çimenton dhe se e ndërtojnë njerëz me shkollë e jo halldupër të tranzicionit shqiptar