300 kg kanabis në brigjet italiane me vlerë 3 mln euro, dyshohet se vinte nga Shqipëria

Një gomone me rreth 300 kg kanabis është sekuestruar nga policia italiane në brigjet e Barit.

Në pranga është vënë një 26-vjeçar nga Brindisi i cilësuar si trafikant.

Në disa tuba brenda gomonës ishin fshehur rreth 262 kg lëndë narkotike të tipit kanabis sativa. Lënda narkotike u vu re pas kontrollit të detajuar të policisë italiane.

Sipas medias italiane ‘Ansa’, gomonia e ka patur bazën e nisjes nga vendi ynë dhe nëse lënda narkotike do hidhej në treg do të kapte vlerën e 3 milionë eurove.

Efektivët italianë kanë nisur operacionin për gjurmimin e trafikantëve të tjerë të përfshirë dhe saktësimin e vendit të origjinës së kanabisit.