Me plumb në kokë vritet politikani meksikan

Përditësuar më 2 July 2018, 10:51

Fernando Puro ishte një prej kandidatëve për deputetë në zgjedhjet elektorale që u mbajtën dje në Meksikë, i cili vdiq në mënyrë tragjike.

Kandidati i Partisë Revolucionare Institucionale (PRI), ishte duke bërë një selfie me një prej simpatizantëve të tij kur papritmas një burrë i mbështetur pas muri, me kapele në kokë, i afrohet nga pas dhe e qëllon me plumb në kokë.

Kjo është fushata më e përgjakshme elektorale e shënuar ndonjëherë në Meksikë.

Puro shënoi numrin 136 të politikanëve të vrarë, që prej fillimit të procesit elektoral, sipas kabinetit të studimit “Etellekt”.

43-vjeçari sapo kishte përfunduar një debat publik ku kishte deklaruar se do të luftonte kartelet e drogës.

Krimi i organizuar në nivele lokale dëshmohet nga këto shifra të frikshme.

Sipas ekspertëve, kriminelët përpiqen të kontrollojnë politikën për të zgjeruar territoret e tyre.