Ish-ministri kërkesë Ramës: Tërhiqu nga projekti pa krye i kësaj të diele!
Ish-ministri i Drejtësisë, Ylli Manjani përmes një postimi në Facebook i kërkon kryeministrit Rama për t’u tërhequr nga zgjedhjet vendore të 30 qershorit. Manjani i shkruan Ramës se je ti i pari që duhet të tolerosh dhe duhet tërhiqesh nga projekti pa krye i të dielës.
“Çështjet e demokracisë i debatojmë e i zgjidhim vetëm në mjedis paqsor. Por paqen e ke detyrë ta garantosh. E paqen nuk e garanton ushtria e as policia shqiptare kundër shqiptarëve!!!
Sillu si Kryeministër, jo si kryetar partie.” -shkruan Manjani.
Postimi i plotë:
Kryeministër!
Tolero!
Ti i pari! Më shumë se kushdo tjetër, të takon!
Tërhiqu nga projekti pa krye i kësaj të diele!
Është krejt pa kuptim dhe me kosto të lartë për vendin.
Nuk është e thënë të pranosh Ilir Metën President, pavarësisht se vetë e zgjodhe.
Nuk ke pse pranon edhe kushtet e kundërshtarëve politikë, po nuk deshe.
Po ke detyre të tolerosh! Të bësh çdo gjë edhe jashtë mundësive për të krijuar një mjedis paqsor të paktën.
Çështjet e demokracisë i debatojmë e i zgjidhim vetëm në mjedis paqsor. Por paqen e ke detyrë ta garantosh. E paqen nuk e garanton ushtria e as policia shqiptare kundër shqiptarëve!!!
Jepu Ti, jo Presidenti, shqiptarëve një datë të re zgjedhjesh. Jepe këtë datë si shprehje tolerance, si mundësi për bashkëpunim e jo përçarje.
Sillu si Kryeministër, jo si kryetar partie.
Bëje këtë gjë që të meritosh vemendje e respekt, pavarësisht sa votohesh në të ardhmen.
Keni një histori? Denonco anonimisht, identiteti juaj mbrohet.
Denonco
