As Rama e as Basha nuk folën për monopolin e naftës

Kryeministri doli e paralajmëroi popullin për një krizë energjitike të paqenë, që nuk e ka shpallur askush në botë, duke dhënë arsye ekonomikisht qesharake me ngrohje globale e rrebeshe. Ndërhyrja e tij ka për të patur vetëm një efekt: dorë të lirë shitësve të naftës dhe gazit të rrisin çmimet në mënyrë abuzive me certifikim qeveritar.

Pak çaste më vonë, doli kryetari i opozitës që i dha të drejtë kryeministrit që ka krizë e janë rritur/do rriten çmimet dhe propozoi tak-fak zgjidhje po aq qesharake sa shpjegimet e kryeministrit: listën, tashmë të superlodhur, me ulje-ngritje—ulje çmimesh e taksash dhe ngri rroga e subvencione, bazuar në një llogjikë magjike ekonomike.

Asnjëri nuk foli për naftën që nuk rafinohet në vend, për kompanitë që nxjerrin naftë e nuk paguajnë asnjë taksë, apo për monopolin në fushën e naftës dhe energjisë.