BE jep 50 miliardë euro Ukrainës,për të paguar pagat e pensionet për 4 vite

Bashkimi Europian arriti një marrëveshje për të ofruar një paketë ndihme prej 50 miliardë eurosh për Ukrainën.

Presidenti ukrainas, Volodymyr Zelensky e mirëpriti këtë marrëveshje, duke thënë se do forcojë stabilitetin ekonomik dhe financiar të vendit.

BBC raporton se paketa do të ndihmojë për të paguar pagat dhe pensionet për katër vitet e ardhshme.

Kjo paketë ndihme vjen në kohën kur Kongresi në SHBA ka bllokuar ndihmën ushtarake për Ukrainën.

Burimet diplomatike thanë se marrëveshja e re e BE-së mund të rishikohet pas dy vitesh nëse është e nevojshme.

Fondet e para të ndihmës do arrijnë në mars.

Paketa e ndihmës ishte bllokuar nga Hungaria, e cila më pas hoqi dorë.