Akademiku Fuga: Pse Presidenti Meta nuk e ka shkelur Kushtetutën

Akademiku Artan Fuga thotë se Presidenti nuk ka shkelur Kushtetutën me vendimin e tij për të tërhequr dekretin për datën e zgjedhjeve të 30 qershorit.

Në një prononcim për “Panorama”, Fuga thotë se edhe sikur akti të jetë antikushtetues, ai nuk e shkel Kushtetutën e vendit dhe se atë mund ta hedhë poshtë vetëm Gjykata Kushtetuese.

“Presidenti nuk ka shkelur aspak Kushtetutën. Edhe sikur akti i çdekretimit të jetë jo kushtetues, ai nuk shkel Kushtetutën. Edhe sikur te supozohet se ai e ka pasur gabim. Sepse presidenti nuk thotë që po ta hedh poshtë Gjykata Kushtetuese ai do ta konsideronte përsëri të mirëqenë aktin e vet. Se po te jete kështu edhe kryeministri ka shkelur Kushtetutën sa here Gjykata Kushtetuese ja ka hedhur poshtë ndonjë projektligj. Pra presidenti edhe  po gaboi ne ndonjë dekret ai është kurdoherë brenda frymës se kushtetutës”, thotë profesor Fuga.