Aksident me pasojë vdekjen në autostradën Tiranë-Durrës

BMW’-ja humb kontrollin, vdes i riu, plagosen dy të tjerë

Përgjaket aksi Tiranë-Durrës, pasi një i ri ka humbur jetën në një aksident rrugor. 

Mësohet se në rrugën dytësore, automjeti tip “BMW X5”, dyshohet ka dalë nga rruga dhe është përplasur me mbajtësen anësore të rrugës. 

Si pasojë e aksidentit ka ndërruar jetë shtetasi V. M., 35 vjeç, si dhe janë dëmtuar shtetasit E. H., 34 vjeç, dhe shtetasi E. C., 32 vjeç, të cilët ndodhen në spital, nën kujdesin e mjekëve. Grupi hetimor po punon për sqarimin e rrethanave të aksidentit.

NJOFTIMI
Më datë 16.06.2023, rreth orëve të para të mëngjesit, në rrugën dytësore Tiranë-Durrës, një automjet tip “BMW X5”, dyshohet ka dalë nga rruga dhe është përplasur me mbajtësen anësore të rrugës.