Aksident mes dy mjeteve në tunelin Tiranë-Elbasan, bllokohet qarkullimi

Një aksident rrugor mes dy automjeteve ka shkaktuar vështirësi në qarkullimin e mjeteve në tunelin Tiranë-Elbasan, pasditen e kësaj të diele.

Përplasja ka ndodhur brenda tunelit, ku të dyja automjetet kanë pësuar dëme të konsiderueshme materiale. Deri në këto momente, nuk ka informacion të konfirmuar nëse nga aksidenti ka persona të lënduar.

Pas ngjarjes, në vendin e aksidentit kanë mbërritur efektivët e Policisë, të cilët po punojnë për menaxhimin e trafikut dhe po hetojnë rrethanat në të cilat ndodhi përplasja.

Si pasojë e bllokimit të përkohshëm, drejtuesit e automjeteve që udhëtojnë në aksin Tiranë-Elbasan po përballen me vështirësi në lëvizje.