Gazetarja e BBC vë në siklet kryeministrin grek: Vetëm 2 gra…

Kryeministri i ri grek, Kyriakos Mitsotakis intervistën e parë e ka dhënë për BBC. Ndër pyetjet e tjera, ajo që u vuri në siklet kryeministrin ishte pyetja e gazetares për politikat gjinore.

Në qeverinë e re greke, të dalë nga zgjedhjet e parakohshme të 7 korrikut, nga 21 ministra, ka vetëm 2 gra.

Mitsotakis u mundua të justifikohej, duke thënë se nuk kishte mjaftueshëm gra të interesuara për të qenë pjesë e kabinetit të tij qeveritar.

Gazetarja shprehu sërish habi duke i thënë se si është e mundur diçka e tillë në një vend të madh si Greqia. Kryeministri e gjeti justifikimin tek fakti se në listat e kandidatëve për deputetë ishte përcaktuar me ligj që 40% e tyre të ishin për femrat.