Akuza e rëndë: Florentino Perez manipuloi shortin e Champions League

Programi argjentinas “Jorge Ramos y su banda”, te kanali ESPN, ka lëshuar akuza të forta në drejtim të presidentit të Real Madridit, Florentino Perez.

Moderatori i emisionit shfaqi një mesazh që një person pranë numrit një të Realit i kishte dërguar.

Sipas akuzës, më 12 dhjetor (pesë ditë përpara shortit të datës 17) Florentino Perez nisi presionet te UEFA që në gogla të kapej Ajaxi.

Dhe pikërisht do të jetë Ajaxi kundërshtar që do të përballet me kampionët e Europës në fuqi.

Jorge Ramos nuk ka zbuluar burimin, por ka dhënë detaje.

Ajo që mbetet është një polemikë e re që do të bëjë të diskutohet, pas zërave të ndryshëm se Perez bëri presion që Modric të fitonte “Topin e Artë”, pasi Ronaldo ishte transferuar te Juventusi.