Anëtari i KLP me dëftesë të falsifikuar kërcënon gazetarin/ Manjani: Mblidh bishtin ndër shalë e largohu

Një skandal i madh ka përfshirë Këshillin e Lartë të Prokurorisë, një ndër organet kryesore pas të ashtuquajturës Reformë në Drejtësi.

Fjala është për njërin nga anëtarët e këtij organi, Tartar Bazaj.

Bazuar në një denoncim të ardhur në redaksinë e SYRI.net, Bazaj nuk ka kryer as shkollën e mesme!

Duke ju referuar denoncimit, Tartar Bazaj ka mbaruar vetëm 3 klasë agronomi në Sevaster të Vlorës të cilën e ka braktisur në vitin e tretë.

Vetë Bazaj, më herët kishte pretenduar se ka mbaruar shkollen e mesme në një fshat të Tiranës , edhe pse ka jetuar gjithmonë në Vlorë.

Lidhur me këtë skandal ka reaguar edhe ish-ministri i Drejtësisë, Ylli Manjani.

“Nuk mbledh bishtin ndër shalë e të largohet, por kërcënon gazetarin”, shkruan ish-ministri, referuar emisionit “Ajsberg”, ku anëtari i KLP kërcënon gazetarin Artur Çani.

Ja çfarë shkruan Manjani:

Ua ua ua ua ua…

Anëtari i KLP-së!!!

Pu pu pu pu pu!

Është emëruar aty me dëftesë fallco dhe nuk mbledh bishtin ndër shalë e të largohet, por kërcënon gazetarin…

Kjo nuk ka të bëjë më me turpin, por me ligjin!

Duhet shkarkuar një orë e më parë! Gjykatës e prokurorë, por edhe policë e punonjës administrade largohen nga detyra për shumë më pak sesa ky!!!

Ndërkohë, ka edhe të tjerë shkelës ligji që kanë marrë detyra kushtetuese në institucionet e reja të drejtësisë që deshën…

Veç kujdes, mos na shqetësoni Callaveren..