Arkitekti I lesh- punueses më masive në vend , dhe opinionit publik !

Irenq Beqiraj

Sot në një konferencë shtypi qeveria na i rikujtoi që mali i Shpiragut ndodhet ne Shqipëri edhe është pronë e shqiptarëve “. Na tha edhe që me thesarin e zbuluar nga SHELL vetëm “qielli është limiti” për ne.

E velur nga konferencat e qeverisë , mendoj që prap ato mungojnë . Qeveria nuk bën konferenca për shtyp për të arsyetuar rezultatet , arritjen pse jo edhe mos arritjet e objektivave të vendosura nga ajo vet.

Përshembull, ca gojë të liga thonë që Air Albania ka krijuar “një gropë” ku gjithë kapitali i vendosur nga shteti po gllabërohet nga humbjet . Nga qeveria askush nuk flet më për AirAlbanian .
“Ca gojë edhe më të liga akoma” duan të thonë që Kompania e investimeve Strategjike është një dështim edhe do të mbyllet , por qeverisë pa ju mbyllur mirë “plagët e luftës parlamentare” në mbrojtje të saj , as emrin nuk ja e zë më në gojë !
Shtohet afati i koncensionit të markimit , “si dhuratë për sekserin turk të kryeministrit”, thone ca “më të kqinj ” padyshim , por sërisht asnjë argumentim nga qeveria , nëse kjo është e vertetë, apo pse u morr ky vendim?

Asnjë matje e detikuar nuk gjendet për arritjet e ekonomisë nga investimet strategjike , nga fondet e start up-it, fondet e buqësisë etj .

Aty ku duhet të flasin me argumente , me matje e pa pasion heshtin , ndrësa kur nuk ka asgjë për të thenë, bëhen konferenca shtypi. Ndaj edhe opinioni publik është transformuar në një lesh-punuese masive ku nuk shpëton njeri e nuk do të na shpëtojë njeri , arkitektja edhe furnizuesja kryesore me lendë e parë për të është qeveria.