Kryetari i Partisë Demokratike Lulzim Basha ka deklaruar se pazari mes Sali Berishës dhe kryeministrit Edi Rama, po zbardhet çdo ditë dhe më shumë.
Në një postim në rrjetet sociale ai ka rreshtuar se pazari mes tyre përfshin qëndrimet kundër SPAK, Amnistinë Penale me qëllim lirimin e të dënuarve për korrupsion dhe ruajtjen e marrëveshjes së arritur më 2008.
Basha shtoi se Rama kërkon kthimin në krye të PD të Sali Berishës, pasi kjo është e vetmja mënyrë për mbijetesën e klasës së vjetër politike.
Kryetari i Partisë Demokratike, Lulzim Basha ka reaguar pas njoftimit të Gazment Bardhit në Kuvend, për të revokuar përjashtimet e kryetarit të PD-së, Lulzim Basha duke kthyer deputetët në Grupin Parlamentar, mes tyre dhe Sali Berishën.
Reagimi i plotë:
Pazari mes dyshes Rama-Berisha po zbardhet çdo ditë dhe më shumë. Janë të qartë në:
🛑Aleancën e tyre kundër SPAK
🛑Lirimin e të dënuarve për korrupsion
🛑Ruajtjen e marrëveshjes famëkeqe të vitit 2008.
Si pjesë e këtij pazari, Rama kërkon të kthejë në PD aleatin e tij Berisha.
Kjo është rruga e vetme e mbijetesës së klasës së vjetër politike, nëpërmjet pazarit për të shtrënguar radhët e të korruptuarëve.
Vendimi i Partisë Demokratike të Shqipërisë është i qartë dhe i prerë.
Asnjë ortakëri e lidhur nga krimi dhe korrupsioni nuk mund ta zhbëjë atë.
🔵Asnjë person i përcaktuar “Non grata” nuk do të jetë pjesë e PD.
🔵PD mbështet pa kushte SPAK dhe vënien para ligjit të gjithë atyre që kanë abuzuar me paratë e shqiptarëve.
🔵Lista të hapura, votim për diasporën, barazi vote dhe votim e numërim elektronik.
Njoftimi i Bardhit në Kuvend
E nderuar znj. Kryetare e Kuvendit,
Në emër të Grupit Parlamentar të Partisë Demokratike ju njoftoj se në mbledhjen e Grupit të datës 03 Prill 2024, në përputhje me neneve 15 dhe 16 të Rregullores së Kuvendit, si dhe Rregullores së Brendshme të Grupit Parlamentar, është vendosur “Revokimi i të gjitha vendimeve për masa disiplinore të marra nga grupi gjatë kësaj Legjislature”.
Për këtë arsye, të gjithë deputetët që janë vetëdeklaruar në nisje të kësaj Legjislature në përbërje të Grupit Parlamentar, rikthehen/konsiderohen si anëtarë të Grupit Parlamentar të Partisë Demokratike duke filluar nga data 3 Prill 2024,
Në këtë kushte, në mbështetje të nenit 16 të Rreguulores së Kuvendit, lutem të pasqyrohet ky ndryshim i përbërjes së Grupit Parlamentar të Partisë Demokratike në organet e Kuvendit
Duke ju falenderuar për mirëkuptimin,
GRUPI PARLAMENTAR I PARTISË DEMOKRATIKE
KRYETARI Gazment BARDHI
DEPUTETET E PERJASHTUAR
1.Greta Bardeli;
2.Ina Zhupa;
3 Isuf Çela;
4.Asllan Dogjani;
5.Bujar Leskaj;
6.Edi Paloka;
7.Kastriot Piroli;
8.Lindita Metaliaj;
9.Ludovik Hasanaj;
10.Sorina Koti;
11.Tomorr Alizoti;
