Bilanc i rëndë në Spanjë, 838 viktima brenda 24 orëve

Ndërkohë që janë edhe 87797 të infektuar, duke e bërë shtetin e katërt në botë për numrin më të madh të të prekurve nga koronavirusi.

Shifrat tregojnë se numri i përditshëm i vdekjeve në Spanjë është dyfishuar që nga e diela e kaluar.

Madridi është qyteti më i prekur nga koronavirusi, pasi numri i viktimave është shumë herë më i lartë në krahasim me qytetet e tjera.

Mbi 5000 pacientë janë në terapi intensive, ndërkohë që janë edhe më shumë se 12 mijë të shëruar.

Kryeministri Pedro Sanchez njoftoi se të gjithë punëtorët që nuk kanë lidhje me sektorin e shëndetësisë apo të policisë nuk do të shkojnë në punë, por do të marrin pagat e tyre të zakonshme.