Kreu i LIBRA-s, Ben Blushi, ka reaguar pas sondazhit të publikuar mbrëmjen e kaluar nga PR Marketing, ku partia e tij renditej e katërta në rang vendi, pas PS, PD dhe LSI.

Në rrjetet sociale, Blushi jep arsyet se pse LIBRA, sipas tij, fiton zgjedhjet dhe jo sondazhet.

Ai thekson se LIBRA do të marrë të gjitha votat e atyre që janë kundër qevreisë dhe janë shumicë.

“PSE LIBRA FITON ZGJEDHJET, JO SONDAZHET. Sipas një sondazhi Qeveria Rilindje-Cadra-LSI merr 90 për qind te votave. A ka popull që voton 90 për qind një qeveri? Sigurisht që jo. Prandaj nuk mund t’i besoj sondazhit. LIBRA do marrë të gjitha votat e atyre që janë kundër Qeverisë dhe janë shumicë. Ky është ndryshimi i LIBRA me të tjerët. Ata duan të ndryshojnë popullin me ndihmën e Qeverisë, ne duam të ndryshojmë Qeverinë me ndihmën e popullit. LIBRA ËSHTË RRUGA E RE”, shkruan Blushi.