Brezovicë, humb jetën zv/ministri kosovar nga orteku i dëborës

Një person, emri i të cilit nuk është bërë i ditur ka ndërruar jetë si pasojë e një orteku, në Brezovicë.

Lajmin e ka bërë të ditur Agjencia për Mjedisin në Kosovë, ndërsa mësohet se orteku ka rënë në rrugën Brezovicë-Qendra e skijimit.

Një person ka vdekur ndërkaq një tjetër është shpëtuar pasi ka rënë një ortek bore në Brezovicë, njofton Klan Kosova.

Këtë lajm e ka konfirmuar për Klan Kosova Ilir Morina – Kryeshefi i agjencisë për mbrojtjen e mjedisit në Kosovës, i cili tha se një person ka vdekur ndërkaq tjetri është shpëtuar nga një zyrtar i agjencisë.

Dyshohet se personi i vdekur me iniciale A.D. është djali i Nexhat Dacit – zëvendësministër i diasporës.

Klan Kosova raportoi sot në mëngjes se rruga për në Brezovicë është bllokuar për shkak të reshjeve të mëdha të borës.