Çfarë ndodhi? Selin hedh akuza te forta drejt produksionit për montazh

Një video e shpërndarë gjerësisht në rrjetet sociale ka rikthyer në qendër të diskutimit një moment nga spektakli Big Brother VIP Albania, ku protagonistë janë ish-banorët Selina dhe Miri.

Pamjet që po qarkullojnë online tregojnë reagimin emocional të Selinës në një moment të transmetuar gjatë “Prime”, pasi Miri i prek flokët. Ky fragment është analizuar nga ndjekës të vëmendshëm të spektaklit, të cilët pretendojnë se situata është parë qartë gjatë transmetimit.

Megjithatë, në një bisedë me banorin e njohur si Gimbo, Selina e ka mohuar kategorikisht që ngjarja të ketë ndodhur në mënyrën si është shfaqur në ekran. Ajo ka deklaruar se pamjet janë manipuluar nga produksioni dhe se situata është paraqitur ndryshe nga realiteti.

“Bëj be që hidhem në zjarr që ajo gjë nuk është e vërtetë. Nuk ka ndodhur ashtu siç është transmetuar. Është montazh,” – mësohet të jetë shprehur ajo gjatë bisedës, duke hedhur poshtë pretendimet për një kontakt të tillë me Mirin.

Deklarata e saj ka ndezur menjëherë debat në rrjetet sociale, ku ndjekësit janë ndarë në dy kampe: një pjesë beson versionin e transmetuar në spektakël, ndërsa të tjerë mbështesin pretendimin e Selinës se pamjet mund të jenë manipuluar.

Në këtë debat është përfshirë edhe ish-konkurrenti i Ferma VIP, Andrea, i cili ka reaguar me komente të drejtpërdrejta në rrjetet sociale. Sipas tij, qëndrimi i Selinës lidhet me ndryshimin e raportit mes saj dhe Mirit.

Andrea është shprehur se “tani Selinës nuk i duhet më Miri”, duke sugjeruar se distancimi i saj dhe mohimi i pamjeve mund të lidhen me interesat e momentit. Ai ka shtuar se betimet dhe deklaratat për montazh nuk ndryshojnë faktin që publiku ka parë një situatë konkrete gjatë transmetimit.