Del shifra që do të paguajë Real Madridi për blerjen e Luka Jovic

Operacioni i transferimit të Luka Jovic te Reali i Madridit është mbyllur me sukses, teksa zyrtarizimi do të bëhet javën e ardhshme.

“Sky Sport Deutschland” njoftoi arritjen e akordit me Frankfurtin për transferimin e sulmuesit serbo-boshnjak për shifrën e 60 milionë eurove.

Lojtari ka arritur një akord për 5 vite me Realin, nga i cili do të përfitojë 10 milionë euro në sezon.

Zyrtarizimi i futbollistit do të bëhet javën e ardhshme, pasi Frankfurti të ketë luajtur edhe ndeshjen e fundit të Bundesligës kundër Bayern Munchen, vendimtare për kualifikimin në Champions.

21-vjeçari do të bëhet blerja e dytë e Realit pas asaj të qendërmbrojtësit Militao.