Deputetja Flutura Açka dha dorëheqjen pasi e shkarkojnë

Deputetja Flutura Açka njoftoi këtë të enjte për largimin nga Grupi Parlamentar i PD-së dhe dorëheqjen si kryetare e Komisionit të Edukimit.

Ajo deklaroi se po jepte dorëheqjen për shkak të përplasjes së saj me grupin e PD-së dhe pas miratimit të draftit për Reformën Zgjedhore në Komisionin e Ligjeve.

Flutura Açka është shkarkuar 3 ditë më parë nga kreu i Grupit Parlamentar të PD-së, Gazment Bardhi.

Ky i fundit, me një vendim të datës 22 korrik, shkarkoi Açkën dhe i propozoi Kuvendit emrin e Ina Zhupës për zëvendësimin e saj si kryetare e Komisionit të Edukimit.

Ky ndryshim është pasqyruar edhe në rendin e ditës të Kuvendit për të premten.

Pasi zëvendësimi i saj u vu në rendin e ditës, Flutura Açka luajti me kartën e dorëheqjes. Ajo doli me një status në rrjetet sociale dhe tha se ka ikur vetë.

Megjithatë, dokumenti zbulon të vërtetën, nuk bëhet fjalë për dorëheqje, por për shkarkim.