DETAJET/ Si ndodhi shpërthimi në karburant? Shoferi i plagosur i autobotit shmangu tragjedinë

Përditësuar më 4 November 2023, 22:48

Detaje të reja janë zbardhur në lidhje me shpërthimin e ndodh mesditën e sotme në një pikë karburanti në rrugën “Bardhyl” në Tiranë.

Mësohet se shkak për shpërthimin ku mbetën të lënduar dy persona, menaxheri, Miklovan Çollaku dhe shoferi i autobotit, Myrti Kadiu, është bërë një shpërthim i valvulës së sigurisë në dhomën e nëndheshme të gazit ngjitur me karburantin.

Sapo kanë nisur flakët, shoferi i plagosur i autobotit, Myrti Kadiu, ka tentuar të largojë automjetin me benzinë nga vendi i ngjarjes, por duke qenë i lënduar ka humbur kontrollon dhe ka rënë në shkallët e një biznesi ngjitur me karburantin.

Këtë version ka pohuar edhe punonjësja e dyqanit ku përfundoi autoboti. Para mediave ajo ka thënë autoboti nuk përfundoi te shkallët e dyqanit për shkak të forcës së shpërthimit por sepse shoferi i cili ishte dëmtuar nga shpërthimi nuk e komandoi si duhej autobotin në tentativë për ta larguar.

Autoboti nuk përfundoi te shkallet nga forca e shpërthimit por pasi shoferi doli të hiqte zorrën dhe u dëmtua, hipi prapë në makine për t’u larguar me mjetin që të shmangte një shpërthim të madh dhe ngaqë ishte dëmtuar shumë nuk mundi ta nxjerrë autobotin nga karburanti por e keqdrejtoi dhe ra te shkallët ku ngeci.