Ndoshta lojë ndoshta  e vërtetë? Rama shpërthen ndaj Top Channel dhe e quan kazan duke kujtuar edhe ish pronarin  Dritan Hoxha. Ka kaluar shume kohe dhe  televizioni Top Channel, njihet si media e qeverisë, por së fundmi Rama e ka përfshirë edhe këtë media në të ashtuquajturin prej tij si ‘kazani mediatik’.

“HAHNI DHE KAZANI”

Ky është titulli i lajmit të Top Channel që mund ta shihni bashkëlidhur.

Në lajm, siç do ta lexoni, thuhet se kryeministri e cilësoi median si të pabesueshme.

Po, e vërtetë, kështu mendoj! Por si për ta vërtetuar me dëshminë e vet se sa të pabesueshme janë mediat, Top Channel, siç e shihni, e informon publikun se konferenca për lirinë e medias dhe konferenca për shtyp me Komisionerin nuk u transmetuan në ERTV! Ju të gjithë tani mund ta shikoni vetë provën e kësaj gënjeshtre me bisht, nëse zbrisni në postimin e dytë e të tretë të ditës dhe klikoni videon e dhënë live nga ERTV.

Tani pyetja që vjen vetiu është: Nëse një televizion kombëtar që ka bërë histori falë gjenialitetit të të ndjerit Dritan Hoxha, është katandisur sot të gënjejë kaq hapur, edhe për një fakt kaq të thjeshtë, si mund të quhet e besueshme media në Shqipëri?