E rëndë në Kavajë/ Dyshohet se kreu marrëdhënie për 4 vite me vajzën e tij të mitur, arrestohet 48-vjeçari

Një ngjarje e rëndë është denoncuar në Kajavë, ku vajza 15-vjeçare ka kallëzuar të atin se e ka kryer marrëdhënie seksuale me të gjatë 4 viteve të fundit.

Pas denoncimit në polici, shërbimet e Komisariatit të Kavajës kanë organizuar punën për verifikimin e këtij kallëzimi dhe arrestimin e autorit.

Sipas burimeve për SYRI-n, i arrestuar është shtetasi Bledar Rako.

Njoftimi i policisë/ Kavajë

Dyshohet se kreu marrëdhënie seksuale me vajzën e tij të mitur, në mënyrë të përsëritur, kapet dhe vihet në pranga 48-vjeçari. 

Shërbimet e Komisariatit të Policisë Kavajë, pas kallëzimit nga një shtetase 15 vjeçe, se babai i saj kishte kryer marrëdhënie seksuale me të, gjatë 4 viteve të fundit, menjëherë kanë organizuar punën për verifikimin e këtij kallëzimi dhe arrestimin e autorit.

Si rezultat i veprimeve të para hetimore, u vu në pranga shtetasi B. R., 48 vjeç, banues në Golem, për veprën penale “Marrëdhënie seksuale ose homoseksuale me të mitur”.

Vijon puna hetimore për dokumentimin e plotë ligjor të këtij rasti.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.