Edhe shqiptarë të arrestuar për 161 kg drogë të kapura në portin e Selanikut

Policia maqedonase, në bashkëpunim me policinë greke, ka arritur të kapë kokainë të cilësisë së lartë me peshë 161 kilogramë në portin e Selanikut. Drogën kishin tentuar ta kontrabandonin shtetasit grekë, shqiptarë dhe maqedonas.

Ky sasi e lëndës narkotike u zbulua pasi trafikuesit ishin tashmë arrestuar në një aksion të kaluar.

Gjatë hetimit, u përdorën qentë nuhatës dhe mjete digjitale për të zbuluar vendndodhjen e kokainës. Drogën e kishin fshehur në dyshemenë e disa kontejnerëve që ishin përgatitur veçmas për këtë dërgesë. Gjithsej, 100 pako kokaine ishin fshehur në kontejnerë.

Hetimi u realizua në bashkëpunim me DEA-n amerikane dhe SELEC (Qendra për Zbatimin e Ligjit në Evropën Juglindore).