EMRI/ Ish-ministri i Albin Kurtit emërohet Drejtor i Portit të Durrësit

Liburn Aliu, ish-ministri i Infrastrukturës në Qeverinë Kurti 2, është emëruar drejtues i Portit të Durrësit, një vendim i marrë nga ministrja e Infrastrukturës dhe Energjisë. Me këtë lëvizje, ai merr detyrën që më parë mbahej nga Kreshnik Bajraktari, i cili drejtoi portin nga korriku i vitit 2024.

Emërimi i Aliut ndodh vetëm dy muaj pas dorëheqjes së tij nga pozita e ministrit në detyrë dhe shënon rikthimin e tij në një rol të rëndësishëm publik. Aliu është një nga themeluesit e Lëvizjes Vetëvendosje dhe ka qenë për shumë vite një nga bashkëpunëtorët kryesorë të kryeministrit Albin Kurti.

Gjatë katër viteve të tij në krye të Ministrisë së Infrastrukturës, Aliu ka qenë i përfshirë drejtpërdrejt në projekte të mëdha infrastrukturore dhe në zhvillimin e politikave strategjike për sektorin e transportit dhe energjisë.