Finlanda vendos : Duke filluar nga mesnata ndalon hyrjen për turistët rusë

Helsinki, Finlandë – Qeveria finlandeze njoftoi të enjten se do të kufizojë ndjeshëm trafikun e pasagjerëve në kufirin e Finlandës me Rusinë, duke u ndaluar shtetasve rusë që udhëtojnë me viza turistike të hyjnë në vendin nordik nga e premtja.

“Vendimi në parim synon të parandalojë plotësisht turizmin rus në Finlandë dhe tranzitin përkatës përmes Finlandës”, tha ministri i Jashtëm Pekka Haavisto gjatë një konference për shtyp.

Qeveria e arsyetoi vendimin e saj duke thënë se ardhja e vazhdueshme e turistëve rusë në Finlandë po rrezikon marrëdhëniet ndërkombëtare të vendit. Nuk u specifikua më tej.

Që nga 1 shtatori, Finlanda uli numrin e vizave – përfshirë për qëllime turistike – të lëshuara për qytetarët rusë në një të dhjetën e numrit tipik, një veprim i parë si një shfaqje solidariteti me Ukrainën.