Foto që zari i krimit në media i dërgoi kriminelëve, denoncimi i Zaganit

Dritan Zagani ka reaguar ashpër ndaj gazetari Artan Hoxha, pasi kishte publikuar dhe për herë të parë foton e oficerit Emiljano Nuhu dhe vajzës së tij vetëm tre vjeçare.
Për shumë gazetarë që e njohin mirë si funksionon policia e shtetit, dhe roli që ka pasur në disa aksione të rëndësishme Nuhu, publikimi i kësaj fotoje përbën rrezik të madh për të, për shkak se ka arrestuar persona të lidhur ngushtë me krimin.
Ndërkohë në një përgjigje të gjatë për Hoxhën, ish-oficeri Dritan Zagani, shkruan se publikimi i asaj fotoje ka shërbyer për t’iu çuar lajm kriminelave që Nuhu i ka arrestuar në një operacion në Qafë Kashar rreth tre vite më parë.
Ai sqaron se nuk ka asnjë mundësi që të ndihmonte Nuhun për të fituar azil, pasi ai nuk ka asgjë në dorë, dhe largimi nga Shqipëria e zhveshi nga çdo mundësi dhe për të ushtruar profesionin e tij si agjent antidroge në radhët e policisë.
Zagani thotë se e ka ndihmuar Nuhun me të vetmin qëllim për të ndihmuar një polic të trembur deri në palcë dhe të braktisur nga shteti dhe nga institucionet, dhe ndihma nuk ka qenë asgjë më shumë se një ndihmë njerëzore.
‘’ U akuzova se e kam ndihmuar une te fitoje azilin…sa qesharake …kush jam dhe cfarë kam në dorë une…asgjë…asgjë se ketu nuk ka Saje minister qe ta kem mik dhe une, asgje se ketu funksionon vetem ligji dhe e drejta per kedo qenie njerzore, pa dallim rrace partie apo te forti…por po o njeri…e ndihmova Emilianin si shqiptar bashkevuajtes,,,si polic qe ishte tremb deri ne palc nga krimi me pushtet dhe ishte zhgenjyer fort shum nga shteti qe ai filloi shum i ri ti sherbente…e ndihmova me aq sa kisha edhe pse kam vetem 10 dite qe e njof…