Gazetari bjellorus shfaqet në televizion i përlotur

Gazetari Bjellorus Roman Protasevich, i cili u arrestua në Minsk pasi u mor me një fluturim të devijuar muajin e kaluar, është shfaqur i  përlotur në një intervistë në televizionin shtetëror.

Ai rrëfeu për organizimin e protestave anti-qeveritare dhe vlerësoi Presidentin Alexander Lukashenko, raporton BBC.

Familja e Z. Protasevich thotë se intervista u zhvillua me detyrim.

Në intervistën e transmetuar të Enjten në mbrëmje, Z. Protasevich pranoi përpjekjen për të rrëzuar Aleksandër Lukashenko.

Ai tha se e kishte kritikuar Presidentin Lukashenko, por “filloi të kuptojë se ai po bënte gjënë e duhur dhe unë me siguri e respektoj atë”.

Në fund të intervistës, ai shpërtheu në lot dhe tha se shpresonte një ditë të martohej dhe të bënte fëmijë.