Humb jetën marinari gjerman në Vlorë

Një ngjarje e rëndë ka ndodhur në ujërat e detit të Vlorës.

Mësohet se një marinar gjerman ka humbur jetën këtë të diel në Vlorë.

Bëhet e ditur se 42-vjecari Michael Scherer ka pësuar infarkt në det, teksa ka qenë duke lundruar me jahtin e tij.

Ndonëse ambulanca ka shkuar për t’i dhënë ndihmën e parë, marinari fatkeqësisht ka qenë pa shenja jete.

Gjermani është marrë nga jahti dhe është dërguar në morgun e spitalit të Vlorës.