Izraeli ekzekuton një tjetër “kokë” e Hamasit

Ushtria izraelite ka paralajmëruar njerëzit në periferinë jugore që të evakuoheshin nga zonat pranë ndërtesave që sipas saj janë objekte të Hezbollahut.

Gjatë natës, IDF u tha njerëzve në pjesë të ndryshme të Dahieh, bastion i Hezbollahut që të largoheshin të paktën 500 metra.

Izraeli ka sulmuar qytetin për më shumë se një javë, duke thënë se po synon udhëheqjen dhe infrastrukturën e Hezbollahut.

Në qytetin libanez të Tripolit, ka raporte se sulmet izraelite vranë një udhëheqës të Hamasit.

“Një udhëheqës i krahut të armatosur të Hamasit u vra në qytetin verior të Libanit, Tripoli”, raporton Reuters, duke cituar mediat e lidhura me Hamasin.

Sipas raportit, Saeed Atallah u vra së bashku me tre anëtarë të familjes nga një sulm izraelit në një kamp refugjatësh palestinezë.

Sirenat kanë rënë në Izraelin verior gjatë natës dhe mëngjesin e sotëm për të paralajmëruar banorët për sulmet e ardhshme.

Ushtria izraelite thotë se pesë “raketa” u identifikuan duke kaluar nga Libani këtë mëngjes. Disa prej tyre u kapën përpara se të mund të zbarkoheshin, ndërsa të tjerët u lanë të binin në zona të hapura, thotë Forcat e Mbrojtjes të Izraelit (IDF).

Dje, 222 raketa u lëshuan nga Libani në territorin izraelit, sipas IDF.

Ndërkohë Hezbollahu pretendon se zmbrapsi një ofensivë izraelite në fshatin kufitar Adaisseh gjatë natës. IDF nuk ka komentuar mbi incidentin./  “BBC”