Një pjesëtar i ekuipazhit të marinës japoneze ka vdekur dhe shtatë të tjerë janë zhdukur pasi dy helikopterë u rrëzuan gjatë një stërvitjeje gjatë natës në Oqeanin Paqësor.
Mitsubishi SH-60K me dy motorë ishte në stërvitje kundër nëndetëseve pranë ishujve Izu, 600 km (372 milje) në jug të Tokios, thanë zyrtarët. Dy regjistrues fluturimi u zbuluan afër njëri-tjetrit si dhe mbeturinat duke përfshirë pjesë të teheve të rotorit.
Ministri i Mbrojtjes, Minoru Kihara, tha se shkaku i aksidentit ishte i panjohur, raporton “BBC”.
“Së pari ne bëjmë çmos për të shpëtuar jetë,” tha zoti Kihara, duke shtuar se helikopterët “po bënin stërvitje për të luftuar nëndetëset gjatë natës”.
Pas 25 minutash, ushtarakët kuptuan se komunikimi me avionin tjetër, gjithashtu Mitsubishi SH-60K, humbi në të njëjtën zonë. Marina tha se duke qenë se nuk kishte avionë apo anije të tjera në ujërat e afërta, përfshirja e një vendi tjetër në incident nuk kishte gjasa.
Japonia po rrit shpenzimet e mbrojtjes dhe po thellon bashkëpunimin me SHBA-në dhe vendet e tjera në Azi si përgjigje ndaj rritjes së vendosmërisë kineze në rajonin e Tajvanit.
