Jep dorëheqjen zv.ministrja e KURTIT

Zëvendësministrja e Ministrisë së Arsimit, Shkencës, Teknologjisë e Inovacionit (MASHTI), Edona Maloku-Bërdyna, ka dhënë dorëheqjen nga posti i saj në Kosovë. Njoftimi i dorëheqjes u bë nga ajo vetë në një postim në Facebook, ku shkroi se ka kërkuar dorëheqjen nga kryeministri i Kosovës, Albin Kurti. Pas dy viteve shërbim, ajo u shpreh mirënjohëse për besimin dhe mbështetjen e treguar nga kolegët e qeverisë. Edona Maloku-Bërdyna ka vendosur të kthehet në punën e saj akademike për të vazhduar kontributin në fushën e arsimit dhe shkencës. Ajo kishte marrë postin e zëvendësministres së MASHTI-t më 27 maj të 2021.