Lajm i mirë për gjithë Kosovën dhe një urim për zotin Thaqi

Parlamenti sapo ka votuar pro liberalizimit të vizave për Kosovën, duke shënuar  një moment historik për vendin që para 10 vjetësh shpalli pavarësinë.

420 eurodeputetë kanë votuar pro ndërsa kundër 186 kundër. Ndërkohë që abstenime ishin 22.

Pas këtij votimi, do të konfirmohet mandati për fillimin e bisedimeve me vendet anëtare të BE-së, në mënyrë që Kosovës t’i liberalizohen vizat.

Bisedimet në emër të Parlamentit Evropian do t’i udhëheqë, Tanja Fajon, raportuese për vizat në Parlament.

Për liberalizimin e vizave është e domosdoshme që pajtimin ta japin edhe dy institucione kyçe të BE-së: Parlamenti Evropian dhe Këshilli i Ministrave të brendshëm të vendeve anëtare.

Kur raportuesja për vizat e merr mandatin për fillimin e bisedimeve me Këshillin e Bashkimit Evropian, procesi kalon në nivelin e grupeve punuese.

Pasi të përafrohen bisedimet në kuadër të grupit punues, pastaj çështja kalon në nivel të ministrave të Brendshëm të Bashkimit Evropian, të cilët vendosin për këtë përmes votimit me një shumicë të kualifikuar.

Kosova është vendi i vetëm në Ballkanin Perendimor, qytetarët e së cilës nuk gëzojnë të drejtën e lëvizjes së lirë në zonën e Shengenit. Me këtë  rast redaksia e “Publik.live” uron drejtorin e bordit   të  zyrës në Kosovë z. Pren Thaqi dhe të gjithë bashkëpunëtorët e Publik.live”.