Leicester, bëhet skuadra e parë që siguron ngjitjen në elitën e futbollit anglez.
Humbja e Leeds ndaj QPR, i siguroi ngjitjen “dhelprave” në Premier League.
Pas 44 javëve kampionat në Championship, Leicester mban vendin e parë me 94 pikë të grumbulluara.
Me ngjitjen që tashmë është siguruar matematikisht, skuadra e drejtuar nga Maresca, fitoi edhe titullin kampion, në kampionatin e dytë më të rëndësishëm në Angli.
Në 44 javë kampionat, Leicester, numëron 30 fitore, 4 barazime dhe 10 humbje.
Kur kanë mbetur edhe dy javë për t’u luajtur, tashmë gara në Championship, është për vendin e dytë, që siguron gjithashtu ngjitjen në Premier Leaue. Për këtë vend po lufton Leeds me 90 pikë dhe Ipswich me 89 pikë.
Në Itali, u zyrtarizua rënia e skuadrës së Salernitanës në Serinë B. Humbja e fundit me rezultatin 3-0 ndaj Frosinones, i preu biletën për një kategori më poshtë skuadrës së drejtuar nga Colantuono.
Katër javë para fundit, Salerintana mban vendin e fundit në Serinë A, me vetëm 15 pikë të grumbulluara, në 34 xhiro.
