LIVE “Dita e Ronaldos”/ Fjalët e para të Kristianos: Zgjedhje e lehtë, ja pse zgjodha Juventusin (VIDEO)

Të gjithë tifozët e Juventusit janë në delir. Sot është “Dita e Ronaldos”. Pasi zbarkoi dje për herë të parë në tokën italiane, që nga zyrtarizimi si lojtar i “Zonjës së Vjetër”, sot Ronaldo ka kryer vizitat mjekësore, dhe do të mbajnë në orën 18:30, edhe konferencën e parë si bardhezi.

LIVE

Pse zgjodhët Juventusin?

Pyetje e lehtë për të dhënë përgjigje. Juventusi është një nga klubet më të mirë në botë. Miqtë dhe kolegët e mi më thanë se është një klub ku mund të luaja. Duke parë madhësinë e këtij klubi, është një klub shumë i madh. Nuk ishte një vendim i vështirë për ta marrë.

18:30 | Nis konferenca në Alianz Stadium. Kristiano Ronaldo për herë të parë përballë qindra gazetarëve nga e gjithë bota.

17:55 | Përqafime të ngrohta të CR7 me miqtë e rinj, veçanërisht me Miralem Pjaniç dhe Xhiorxho Kielinin. Bie në sy përshëndetja e ftohtë me Kanselon, portugezin tjetër të sapo transferuar tek Juventusi, i cili u mjaftua vetëm me një shtrëngim duarsh.

17:07 | Kristiano Ronaldo takohet me trajnerin Alegri në Continasa. Portugezi dhe trajneri i Juves bisedojnë fjalët e para për të ardhmen