Henri Çili: Lubonja, në vend që t’i nxirrte sytë vetes për spiunimin e babait , është turrur t’i nxjerrë sytë gjithë dynjasëAdministratori i UET e ka sfiduar Lubonjën që ta botojë vetë dosjen e plotë të tij duke shtuar se ai është egërsuar si reagim ndaj ndërgjegjes së vet që i rëndon, duke e ditur se ka paditur të atin te organet e Sigurimit. Çili ka folur edhe për mitin e Edipit në mitologjinë greke. Ky mit thotë se Edipi mbret gjatë kthimit për në Tebë, qytetin e tij, vrau të atin të cilin nuk e njihte dhe pas futjes në qytet u martua me të ëmën. Kur orakulli i tha se ai ishte atvrasës dhe burri i së ëmës, Edipi braktisi fronin, u vetëverbua dhe u vërvit nëpër botë si endacak.
Lubonja, tha Çili, në vend që të qorronte veten për vrasjen e ndërgjegjes është turrur për të qortuar të gjithë të tjerët
Lubonja i përgjigjet Kadaresë dhe Çilit: Përdhunues që përdorin mekanizmat e regjimit të parë
Fatos Lubonja i është përgjigjur dy shkrimeve të publikuara në gazetën “Mapo” nga botuesi i saj, Henri Çili dhe shkrimtari Ismail Kadare.
Fatos Lubonja i përgjigjet akuzës së Kadaresë se nuk do ia falte kurrë denoncimin publik gjatë gjyqit të të atit, Todi Lubonjës. Ai shprehet se shkrimtari është duke krijuar një Kadare falco dhe mohon që ta ketë akuzuar ashtu siç ai pretendon.
“E para, shpreh keqardhje të madhe se si vazhdon kultura e manipulimit, stimulimit të heronjve të rremë. Kadare në jetën e tij punon vazhdimisht në këtë formë për të transformuar veten e tij, duke krijuar nje Kadare falco. Eshtë qesharake ajo që thotë. Unë kam thënë vetëm se im ate kishte simpati për Kadarenë dhe Agollin se i konsideronte më me kurajë artistike. Kurse ai sikur paskam thene sa ka qenë ai kryetari i grupit armiqesor të liberalizmit qe ka influencuar edhe Todi Lubonjen. Po pse nuk e arrestuan atëhere? Të thuash këto që thotë Kadare është të tallesh me njerëzit që e kanë jetuar atë kohë”,- thotë ai.
Sa për shprehjen “Gjuha serbe një jevgë përballë zonjës së rëndë shqipe”, Lubonja pretendon se është Kadareja qe e ka artikuluar në këtë formë dhe shton: “Unë as nuk shpik as nuk shtoj e transformoj siç me akuzon. Nese ky është një makabritet, sikurse thotë Kadare, hapni gazetën Drita te dates 30 shtator 1990 të cilës i jam referuar. Ky vetë e ka thënë”.
Lubonja i referohet dy njerëzve me të cilët Kadare ka bashkëpunuar për të fabrikur akuzën e tij. Qemal Lame është shefi i hetuesisë së në kohën e errët, përgjegjës për fabrikimin e tërë atyre gjyqeve, që duhet të ishte dënuar sepse ka shkelur edhe ligjet e asaj kohe. “Këta janë përdhunues që pasi kanë përdhunuar, akuzojnë viktimën se pse ka hapur këmbët.”
Sa për botuesin ai thotë se është “Sinonimi i njeriut të pamoralshëm që e krijoi ky tranzicion” dhe që ka interesat e tij në gjithë këtë histori. “I duhet Kadareja për të mbajtur Universitetin”,- shtoi ai.
Analisti shton se kemi të bëjmë me regjim të dytë që vazhdon me mekanizmat e regjimit të parë
