Lufta Rusi-Ukrainë, flitet për paqe nga palët në Arabinë Saudite

Delegacionet nga vende dhe organizata të ndryshme që marrin pjesë në  samitin e paqes në Ukrainë në Jeddah, Arabia Saudite janë dakortësuar të vazhdojnë të punojnë së bashku drejt “arritjes së paqes së qëndrueshme në rajon”, sipas CNN.

“Pjesëmarrësit ranë dakord për rëndësinë e vazhdimit të konsultimeve ndërkombëtare dhe shkëmbimit të mendimeve në mënyrë që të ndërtohet një bazë e përbashkët që do të hapë rrugën për paqen. Ata gjithashtu theksuan rëndësinë e përfitimit nga pikëpamjet dhe sugjerimet pozitive të bëra gjatë këtij takimi”, thuhet në një deklaratë nga Agjencia Saudite e Shtypit.

Në deklaratat e së dielës, kreu i zyrës presidenciale të Ukrainës i quajti bisedimet “produktive” dhe “jashtëzakonisht të ndershme dhe të hapura”, ndërsa zëvendësministri i jashtëm i Rusisë i hodhi poshtë bisedimet si “të dënuara” për të parandaluar zhvillime domethënëse.

Takimet të cilat nuk përfshinin përfaqësues nga Rusia  u panë kryesisht si një mjet për përcaktimin e kornizave të ardhshme. Ato u panë gjithashtu si një vend për të fituar mbështetje potenciale për propozimet e paqes të Kievit nga përtej mbështetësve të tij kryesorë perëndimorë si Shtetet e Bashkuara dhe Mbretëria e Bashkuar. Takimet përfshinin përfaqësues nga vendet në zhvillim dhe nga fuqitë botërore që kanë kërkuar të projektojnë shkallë të ndryshme  neutraliteti  në konflikti, si Kina dhe India.

Ukraina dhe Rusia  mbeten publikisht të përkushtuara  ndaj parakushteve për negociata të drejtpërdrejta që pala tjetër i konsideron të papranueshme.