MASAKRA NË SRI LANKA, ARRESTOHEN 7 PERSONA, DYSHOHET SE JANË EKSTREMISTË FETARË
Policia ka arrestuar 7 persona si autorë të dyshuar për sulmin terrorist në Sri Lanka, në kisha dhe hotele luksoze, ku u vranë të paktën 190 persona dhe u plagosën qindra të tjerë.
Ministri i mbrojtjes i Sri Lanka, Ruwan Wijewardena konfirmoi arrestimet, sipas Associated Press.
Tetë shpërthime, që mendohet se kanë patur shënjestër besimtarët dhe turistët, ndodhën sot, ndërsa lufta e përgjakshme civile e vendit të Azisë Jugore përfundoi një dekadë më parë.
Numri i të vdekurve pritet të rritet, për shkak të numrit të madh të personave të plagosur.
Askush nuk e ka marrë ende përgjegjësinë për sulmin, por ministri i brendshëm, tha se sulmuesit janë identifikuar dhe ata janë ekstremistë fetarë.
Fillimisht Shri Lanka u godit nga gjashtë shpërthime, tri prej të cilave ndodhën në kisha dhe tri të tjera në hotele luksoze. Më vonë ndodhën edhe dy shpërthime tjera, duke e çuar në tetë numrin e përgjithshëm të shpërthimeve.
Të paktën 27 të huaj besohet të jenë ndër të vdekurit.
Keni një histori? Denonco anonimisht, identiteti juaj mbrohet.
Denonco
