Kreu i Partisë së Lirisë, Ilir Meta ka sulmuar ashpër Monika Kryemadhin gjatë fjalës së tij në Konventën Kombëtare të Partisë.
Ai i faturoi Kryemadhit shkrirjen e LSI dhe e akuzoi atë se djegia e mandateve ka bërë që gjysma e partisë së ikë në emigracion.
Nga Pallati i Kongreseve, Meta me tone të forta i bëri thirrje të gjithë atëtarëve të partisë që duan të qëndrojnë me Ilir Metën, të qëndrojnë pa bërë lojëra.
‘Kush qëndron këtu për të bërë lojërat e Don Agaçios e për të bërë lojërat e atij tarrallakut e ka shumë gabim. Ilir Meta ka bërë shkollën e Ramiz Alisë, shkollën e Fatos Nanos, shkollën e Sali Berishës. I ka bërë të gjitha shkollat që i duhen për tu përballur me këtë mafie. Ishin dy kompani izraelite, njëra punonte për Bashën, tjetra për Ramën, të dyja për Ramën. Punonte vetëm për të asgjësuar LSI-në. Nepotizmi është shkaku pse jemi këtu. Për shkak të djegies së mandateve gjysma e partisë është në emigacion, ky është qëllimi i Rilindjes. Por ne do t’i sjellim me 5 prioritetet tona, me 4 milionë shqiptarë plus. Mbi të gjitha me organizimin, që sot fillon nga e para. Do bëjmë bilancin e ditës së sotme dhe do ta fillojmë nga vetja. Faktor kombëtar për fitoren mbetet organizmi, thoshte Stalini.’, tha Meta.
Më pas ai sulmoi Edi Ramën dhe Lulzim Basha se kanë synuar të eliminonin Lëvizjen Socialiste për Integrim.
“Shumë shpejtë do të kemi një konventë të re dhe një parti të re në të gjithë Shqipërinë, kundër këtij regjimi mafioz që ka rrëmbyer vulën e PD-së dhe i gënjen mendja se mund të marrë edhe vulën e Partisë së Lirisë. Programi është shumë i qartë, 5 prioritete për 4 milionë shqiptarë plus.
Unë se kam shkelur Kushtetuesen dhe atje është derdhur para e madhe, por s’ia kanë dal. Unë një gabim e kam bërë. Unë kam bërë gabimin që natën e zgjedhjeve. Pasi u zgjova nga ora 2 e natës në Vlorë, pasi shkoja ti bëjë presion mafies i vetëm për të shpëtuar pluralizmin politik. PS dhe PD e Bashës kanë punuar kundër Lëvizjes Socialiste për Integrim, në mënyrë që ajo forcë të asgjësohej përgjithmonë. Unë i kërkoj falje shqiptarëve se fola vetëm me dy deputetë, por duhet të kisha folur me më shumë”, tha Meta.
Kryetari i Partisë së Lirisë, Ilir Meta me tone të larta nga Konventa Kombëtare deklaroi se duhet të forcohet ndjenja e misionit, pasi përballë është një regjim mafioz. Ai u ndal te djegia e mandateve, që sipas tij ishte llogari e kalkuar e Ramës, Bashës dhe Mcgonigal dhe e djalit të miliarderit.
“Një zonjë kishte ardhur disa herë, kishte bërë kërkesë dhe donte të ishte pjesë e partisë. Por si kishte kthyer njeri përgjigje. Ore nuk bëhet partia vetëm me foto. Ajo ishte mësuese. Duhet të kishte 5 mijë të rinj PL të anëtarësuar. Pse nuk dinte Ilir Meta si Luli dhe torollaku nga 1 mln euro për të vënë kandidatë në rrethe me emër, por unë vura të rinj. Një duartrokitje për Xhixhon dhe të rinj të tjerë që punuan. Kërkojnë që të na shkatërrojnë identitetin. E ruajti identitetin Erisa, se ruajti dinjitetin e gjyshit të saj. Kudo ku shkoja më thonin se ishin të pakënaqur. Turp për ata që thonë pse përmend Meta Vasil Laçin. I paharruar kujtimi i asaj nëne që rriti plot sakrifica Vasilin. Ai kreu një akt të jashtëzakonshëm. Do ju tregoj një histori me Sali Shijakun. E takova Shijakun dhe i them; kemi menduar që t’i japim dekoratë shokut të Vojo Kushit. E kam takuar vetë më tha dhe ai qante kur e kishte takuar në Divjakë. Ai kishte qenë 10 vjeç në betejën e Kodrës së Kuqe. Sali Shijaku tha se doja të përjetësoja figurën e Vojo Kushit.
Ne të lëmë Shqipërinë në duar të kriminelëve? Si! Jo! Do të ecim me vepra, si Tedi Blushi, si Këlliçi, jo se është djali i Fariut. Ndaj Fariut kam ca vërejtje se i fliste fëmijëve të mi keq për mësuesit e matematikës. U bë një eksperiment në Itali në kohën kur ishte Prodi. Ishim me Mondin, provuam dhe Fiorentinën. Për të ruajtur pushtetin, asokohe ata bënë një bashkim artificial. Djegia e mandateve, që sipas tij ishte llogari e kakluar e Ramës, Bashës dhe Mcgonigal dhe e djalit të miliarderit. Ai që vjen këtu vjen merr lekët e mësuesve tanë, të pensionistëve. I kam pasur prindërit mësues, se kanë pasur 40 nxënës në klasë. Rama nuk është budalla, por ka një grup patronazhistësh në rrjetet sociale.”, tha Meta.
