Ministri Balla kërkon të zbatohen rregullat, nuk duhet të tolerohen “shkelësit arrogantë”

Ministri i Brendshëm Taulant Balla thotë se nuk e gëzojnë “sukseset” e gjobave, por ndjesia e qytetarëve se duhen zbatuar rregullat.

Balla thotë se Policia nuk duhet të tolerojë në asnjë rast “shkelësit arrogantë” të rregullave të qarkullimit rrugor.

“Do të vazhdoj ta them se si Ministër i Brendshëm nuk më gëzojnë “sukseset” e gjobave, por ndjesia e qytetarëve se duhen zbatuar rregullat, jo pse është polici pas kthesës apo semaforit, por sepse kështu mbrojmë jetët e të gjithëve. Por besoj se ndaj dhe të njejtin mendim me shumicën prej jush se Policia nuk duhet të tolerojë në asnjë rast “shkelësit arrogantë” të rregullave të qarkullimit rrugor.”, shkruan Balla në rrjetet sociale.

Krahas kësaj Balla ka bërë publike dhe një video ku shfaqen drejtues mjetesh të gjobitur pasi kanë shkelur rregullat e qarkullimit rrugor