Ndahet nga jeta senatori John McCain

Pak ore me pare senatori John McCain ,nje hero amerikan,nje politikan bindjesh te qarta,nje shpirt i pathyeshem,nje antikomunist i pakompromiste,nderroi jete.

Senatori John McCain nje personalitet politik i nivelit boteror ishte gjithashtu nje mik i mire dhe i vertete i shqiptareve.

Senatori McCain ndiqte me vememdje zhvillimet ne Shqiperi e Kosove dhe ishte nje njohes i thelle i tyre. Seantori  McCain  i cili bë zë i qytetarëve të Kosovës  atëherë kur nuk kishte zë për ta.

Zyren e senatorit McCain e kane vizituar ne cdo kohe e situate te gjithe perfaqesuesit e politikes shqiptare.

Takimet ne zyren e senatorit McCain kane qene me te ngrohtat,te hapura dhe mbeshtetja e pakursyer.

Antaresimi i Shqiperise ne Nato dhe Pavaresia e Kosoves kane ne themele edhe kontributin dhe mbeshtetjen aktive te senatorit John McCain.

Personalisht e konsideroj privilegj te jetes dhe karrieres mundesine per te njohur e punuar me nje njeri te ketij dimensioni. Prane njerezve si John McCain njeriu kupton se simbioza e thjeshtesise me madheshtine eshte e vertete.
John McCain ishte nder rastet ku une pata mundesine te shoh si deshmitar kete simbioze.

Sot SHBA, humbi nje njeri te madh.

Sot edhe ne shqiptaret humbem nje mik te vertete.

Jam i bindur se koha dhe historia vecse do te forcoje mirenjohjen e respektin me te thelle te shqiptareve per John McCain,
si nje mik te mire e te vertete,ne dite te veshtira.

Rest In Peace,John McCain.

Në vitin 1967 McCain u burgos dhe u torturua pasi u kap rob në Vietnamin e Veriut kur ishte pilot i marinës amerikane.

Në sytë e shumë amerikanëve McCain ishte një hero lufte dhe një patriot.

Ai përfaqësoi shtetin e Arizonës në Senat dhe u bë i njohur si një luftëtar i së drejtës, pa marrë parasysh se cilin krah politik përfaqësonte ajo.

John McCain u zgjodh në Dhomën e Përfaqësuesve në vitin 1982 dhe në Senat në 1986. Ai ishte një politikan konservator në shumicën e çështjeve dhe u përpoq sidomos për reformën e financimit të fushatave dhe për çështjen e amerikanëve që rezultonin të zhdukur në Vietnam.

Në zgjedhjet presidenciale të vitit 2008 ai u përball me kandidatin demokrat Barak Obama dhe humbi. Megjithatë ai vazhdoi të shërbejë në senatin amerikan.

Zoti McCain tregoi mjaft interesim për çështjet e Ballkanit dhe e ka vizituar disa herë rajonin.

Në prill 2017, gjatë një vizite në Kosovë, ai kujtoi përpjekjet e bëra në rrugën e Kosovës për të arritur tek pavarësia.

Në parlamentin e Kosovës ai tha: “Megjithë përparimin që ka bërë Kosova, ende mbeten shumë punë për t’u bërë. Por në këtë punë, ju nuk do të jeni vetëm. Shtetet e Bashkuara janë të gatshme t’ju mbështesin për të përmbushur sfidat dhe për të shfrytëzuar mundësitë që keni përpara. Nëse më lejoni, si një mik i vjetër që dëshiron ta shohë Kosovën të ketë sukses, do të doja të ndaja me ju shpresat e mia për të ardhmen e ndritur të Kosovës.”

Muajt e fundit të jetës McCain i kaloi larg syve të publikut në shtetin e Arizonës, duke pranuar vizita nga miqtë e shumtë dhe politikanët e afërt me të. Ai vuante nga glioblastoma, një lloj kanceri i trurit.

Menjëherë pas njoftimit për ndarjen e tij nga jeta, President Donald Trump shprehu me Twitter ngushëllimet e tij:

“Ngushëllimet dhe respektin më të thellë për familjen e Senatorit John McCain. Zemrat dhe lutjet tona janë me ju”, shkruante Presidenti Trump.

Në kujtimet e tij të botuara në muajin maj, McCain shkruante se i vinte keq që po ndahej nga bota, por nuk kishte ankesa.

“Krijova një vend të vogël për veten në tregimin e Amerikës dhe në historinë e kohëve të mia”, shkruante ai.

Muajt e fundit, ai ka qenë një kritik i ashpër i Presidentit Trump për çështje të ndryshme. Ai thoshte se e shihte Presidentin Trump dhe ideologjinë e tij Amerika e Para si një largim nga vlerat dhe tradita e udhëheqjes globale që ai mendonte se mishërojnë Shtetet e Bashkuara.