Ndërron jetë gazetarja Adelajda Xhamani

Gazetarja Adelajda Xhamani është ndarë nga jeta mëngjesin e kësaj të diele, në moshë fare të re, vetëm 31 vjeçe. Gazetarja ka ndërruar jetë në shtëpinë e saj, orët e para të mëngjesit, si pasojë e një ataku kardiak.
Adelajda Xhamani u bë e njohur për publikun shqiptar në vitin 2009, pasi ishte pjesë e një reality show, ku ajo doli e dyta. 31 – vjeçarja tërhoqi vëmendjen jo vetëm për thjeshtësinë që e karakterizonte, por mbi të gjitha për pamjen tërheqëse, duke u cilësuar si një ndër vajzat më të bukura shqiptare.

Xhamani mbaroi studimet për Gjuhë Letërsi dhe pasi u bë pjesë e botës televizive, ndoqi pasionin e saj për letërsinë e shkrimin, duke u bërë pjesë e gazetarisë. Prej vitesh Adelajda punonte në shtypin rozë. Ajo mbante aktualisht postin e kryeredaktores në një revistë.

Kush ishte Adela, nga pjesëmarrja në ‘BB’ te puna në gazetari

Gazetarja Adelajda Xhamani e cila u nda nga jeta krejt papritur ne oret e para te mengjesit te sotem ishte mësuesja nga Kavaja e cila u bë e famshme pasi mori pjesë në edicionin e dytë të spektaklit Big Brother në vitin 2009, ku u rendit e dyta.
Vajza simpatike nga Kavaja, kishte mbaruar studimet për Gjuhë-Letërsi.

Prej vitesh Adela punonte në shtypin rozë. Aktualisht ajo mbante postin e kryeredaktores në një revistë.

Shpesh ajo ishte e ftuar në studiot televizive për të folur rreth botës së showbizit.

Gazetarja ka ndërruar jetë në shtëpinë e saj, orët e para të mëngjesit, si pasojë e një ataku kardiak