Ndryshime në Policinë e Shtetit, zbardhen lëvizjet e fundit

Ndryshime të reja janë bërë në strukturat drejtuese të Policisë së Shtetit, me vendim të Drejtorit të Përgjithshëm të Policisë së Shtetit.

Lëvizjet përfshijnë drejtimin e një drejtorie vendore të policisë, si edhe tre komisariate në Berat, Sarandë, Dibër dhe Tropojë.

Në krye të Drejtorisë Vendore të Policisë Berat është emëruar Dritan Lena. Deri më tani, Lena mbante detyrën e Shefit të Sektorit të Planifikimit Operacional pranë Drejtorisë së Forcës Kombëtare të Sigurisë.

Me ndryshimet e reja, ai transferohet në Berat, ku do të drejtojë strukturën vendore të Policisë së Shtetit.

Ndryshime janë bërë edhe në drejtimin e Komisariatit të Policisë Sarandë. Kryekomisari Saimir Shkambaj, i cili deri tani ishte në krye të Komisariatit të Policisë Tropojë, transferohet në Sarandë dhe merr detyrën e shefit të këtij komisariati.

Në drejtim të Komisariatit të Policisë Dibër emërohet ndërkohë komisari Feliks Hoda. Ky i fundit ka drejtuar deri tani Komisariatin e Policisë Sarandë, ndërsa pas transferimit do të marrë përgjegjësinë për strukturën policore në Dibër.

Edhe Komisariati i Policisë Tropojë do të ketë një ndryshim në drejtim. Detyra e shefit të komisariatit do të ushtrohet me komandim nga komisari Andi Kano, i cili aktualisht mban postin e Shefit të Hetimit të Krimeve në Komisariatin e Policisë Tropojë.

Kështu, ndryshimet e fundit prekin disa prej strukturave vendore të Policisë së Shtetit dhe vijnë përmes urdhrave të Drejtorit të Përgjithshëm të Policisë së Shtetit.

Emërimet dhe lëvizjet e reja

• Dritan Lena – emërohet Drejtor i Drejtorisë Vendore të Policisë Berat.
• Saimir Shkambaj – transferohet nga Tropoja dhe emërohet Shef i Komisariatit të Policisë Sarandë.
• Feliks Hoda – transferohet nga Saranda dhe emërohet Shef i Komisariatit të Policisë Dibër.
• Andi Kano – komandohet në detyrën e Shefit të Komisariatit të Policisë Tropojë.