Në Turqi nuk ka fitues, Erdogan dhe kundërshtari i tij shkojnë në balotazh

Presidenti i Turqisë, Recep Tayyip Erdogan, do të shkojë ballë për ballë me rivalin e tij të opozitës në një balotazh.

Ky lajm është konfirmuar nga këshilli suprem i zgjedhjeve pasi Erdogan kryesoi raundin e parë me 49.51% të votave.

Megjithëse ai kishte një epërsi të qartë ndaj kundërshtarit të tij kryesor Kemal Kilicdaroglu, i cili mori 44.88%, atij i nevojitej më shumë se gjysma e votave për të fituar garën plotësisht.

Një raund i dytë do të zhvillohet më 28 maj dhe Erdogan shihet si më favorit për të fituar.

Erdogan ka qenë në pushtet në Turqi për më shumë se 20 vjet, fillimisht si kryeministër dhe më pas si president, duke i zgjeruar kompetencat e tij edhe më tej pas një grushti të dështuar në vitin 2016.

Shumë sondazhe të opinionit kishin sugjeruar se rivali i tij ishte në rrugën e duhur për të fituar raundin e parë dhe mbështetësit e Erdoganit festuan jashtë selisë së partisë në Ankara gjatë natës.