Një makinë ecën drejt turmës në protestën e New York

Një makinë tip BMW ka hyrë mes për mes një turme prej 50 personash në protestën e New York-ut, duke shkaktuar plagosjen e 6 personave.

Departamenti i Policisë së New York-ut ka deklaruar se drejtuesja e mjeti është pas hekurave ndërsa 6 të plagosurit janë dërguar në spitale dhe janë jashtë rrezikut për jetën.

Një pjesëmarrëse në protestë, Sofia Vickerman, nga Denver, Kolorado, thotë se kur makina goditi turmën ajo hodhi njerëz dhe një biçikletë në ajër.

“Dëgjoja njerëz që bërtisnin”, shprehet ajo. “Unë shihja trupa që fluturonin”.