“NUK NA SJELL LAVDI LASHTËSIA”

Sot, më 25 shtator, përkujtojmë At Zef Pllumin, klerikun, shkrimtarin dhe dëshmitarin e paepur të persekutimit komunist, i cili u nda nga jeta më 25 shtator 2007.

Kanë kaluar 19 vjet, por fjalët e tij tingëllojnë sikur janë shkruar për Shqipërinë e sotme: një vend që mburret me lashtësinë, ndërsa zbrazet nga të rinjtë; që flet për zhvillim, ndërsa përballet me varfëri, korrupsion, padrejtësi dhe institucione të dobëta; që shpesh e zëvendëson të vërtetën me propagandë.

At Zef Pllumi na kujton se historia e lavdishme nuk mund të përdoret si perde për dështimet e së tashmes. Një komb nuk nderohet vetëm duke folur për të kaluarën, por duke ndërtuar drejtësi, dinjitet dhe mirëqenie për qytetarët e tij.

“Hapni sytë e shikoni realitetin me sy, shihni se jemi vendi ma i mbrapambetun i Europës e konkurojmë edhe për botën. Pse?… Mjerisht duket se tash shumë kohë ne nuk na punon logjika si tjerëve: i thurim lavde vedit për mbrapambetjen tonë, turpet i quejmë ‘virtyte të larta të kombit’. Jemi verbue shpirtnisht pse na mungon mendja e kthjelltë e inteligjenca për me pa se ku jemi; na mungojnë vullneti e trimnia për me thanë të vërtetën…”

At Zef Pllumi
(28 gusht 1924 – 25 shtator 2007)

Shqipërisë së sotme nuk i mungojnë fjalët e mëdha për historinë. I mungon guximi për ta parë realitetin në sy dhe për ta thënë të vërtetën.