Paralajmërimi i ish-presidentit: Gjendja në pikën kritike, mund të këtë përplasje të rrezikshme
Degradimi i një ekuilibri në mes funksioneve të institucioneve që veprojnë në Shqipëri, shtetin shqiptar e ka cuar drejt një krize të madhe institucionale, politike dhe ekonomike, të cilen asnjëherë nuk e ka pasur deri me tani. Ndërsa, çdo nënvlerësim i përgjegjësisë mund të sjellë situata të rrezikshme.
Kështu ka deklaruar ish presidenti i Shqiperise, Bujar Nishani i cili në një intervistë per “Kosovapress” ka folur për gjendjen aktuale në Shqipëri dhe përplasjet e fundit mes presidentit, Ilir Meta dhe kryeministrit shqiptar, Edi Rama lidhur me zgjedhjet lokale.
Sipas Nishanit, Shqipëria sot ka institucionet më të dobëta që kishte ndonjëherë, sepse krimi i organizuar dhe korrupsioni janë bërë pjesë e politikës.
Për tejkalim të kësaj situate të krijuar në shtetin shqiptar ish-presidenti, Bujar Nishani kërkon që të merren më me seriozitet, pasi çdo neglizhencë mund të sjell një përplasje mes qytetarëve dhe politikës.
Sipas tij, integrimi i Shqipërisë në Bashkimi Evropian është bllokuar. Ndërkohë, fajtor kryesor për këtë e bënë politikën aktuale të Shqipëërisë të udhëhequr nga Edi Rama.
Nishani ka shtuar se kjo klasë politike është duke e rrezikuar edhe lëvizjen e lirë të popullit shqiptar./KosovaPress/
Keni një histori? Denonco anonimisht, identiteti juaj mbrohet.
Denonco
