Skënder Hita i dorëzon familjarëve të tij certifikatën e ‘Dëshmorit të Atdheut’, flamurin shqiptar dhe kapelën e policisë

Me nderime të larta u përcoll për në banesën e fundit efektivi Enea Mekolli, i vrarë në Maliq gjatë kryerjes së detyrës.

Gjatë ceremonisë mortore, drejtori i Policisë së Shtetit, Skënder Hita, u dorëzoi familjarëve flamurin kombëtar, kapelën e policisë dhe certifikatën e “Dëshmorit të Atdheut”.

Në homazhe morën pjesë kolegë, përfaqësues të policisë dhe ministri i Brendshëm, Besfort Lamallari.

Megjithëse statusi i Dëshmorit parashikon prehjen në Varrezat e Dëshmorëve, familja ka kërkuar që varrimi të bëhet në vendlindje.

Sipas tyre, kjo lidhet me faktin se kanë humbur më parë edhe një djalë tjetër, gjithashtu efektiv policie, dhe dëshira është që dy vëllezërit të prehen pranë njëri-tjetrit.